السلام عليكم ورحمة الله وبركاته


حبيت أعرض لكم هذا الموضوع .. ونقلته لكم للنقاش وكلنا من بنات وشباب نعيشه ..


(( هذا واحد من الشباب اطلعت أخته لعيد ميلاد صديقتها مع

مجموعه من صديقاتها .. عاد اشترط عليها قبل لا تطلع إنها

ترجع للبيت الساعه 9ونص .. لكن البنت عجبتها الجلسه ومع

السوالف ما ردت إلا الساعه 11 وهناك بالبيت استلمها

أخوها بالضرب والرفس .. تنومت بعدها من كثر ما ضربها

بالمستشفى ؟؟! .. ومع كل الي سواه ما ندم بالعكس قال

أحسن .. عشان تعرف إن بالبيت رجـّال لازم تخاف منه وتحترمه ..

وثاني شي أنا قاعد أحميها من نفسها .. لأن الوقت

هذا مافيه أمان والبنات في طريق الله هو العالم لوين بوصلون.. وصعب علينا نصلحهم

بدون شده وعنف ..؟!!))


هذي سالفه ثانيه

وحده من البنات تقول : أنا استأذن من أبوي أو أخوي إذا ردت

أسوي شي وإذا رفضوا أسويه بالســر .؟! لأني ما

أبي أضيّع حياتي ومستقبلي في خرافات حطوها اهم

علمود يرضون غرورهم؟! .. وأنا مالي ذنب إني صرت

بنت .. وما دام إني ما أخطئ ما أبي أحد يفرض سيطرته

ويتحكم بيه ..؟؟! مع العلم إن أخوي يخطئ ويكلم بنات

بالتلفون وما أحد يعاقبه وأنا تقوم الدنيا وما تقعد لو أخطأت خطأ

بسيط !!.. و أخوي يجلس على النت بالساعات

؟! وأنا ما أجلس أبداً عشان ما أخترب ولا أنحرف!! .. طيب شو

الفرق بيني وبينه ؟؟!! كلنا محاسبين أمام الله.بنفس الحساب؟!


المناقشــه :،،،،

1- شو تعليقكم على ماسبق ؟


هل صحيح قول (( اكسر للبنت ضلع يطلع لها 24 ضلع )) ؟؟


2- هل صحيح إن الولد غير البنت في الخطأ ؟؟


3- هل صحيح إن لايحق للأخ يتدخل في أخته إذا كان الأب موجود ؟؟



انتظر تجاوب من البنات والشباااااااااب .................مو بس الشباب او بس البناااااااااات


تحياتي

اولا اود ان اشكرك على الطرح الجميل
قال رسول الله ص
كلكم راع وكلكم مسؤول عن رعيته
اذا كان الاب موجود فهو الراع
ولاغيره يحق بالتصرف دونه
وشكرا" لك على الطرح الجميل يسلموووووو

هل صحيح قول (( اكسر للبنت ضلع يطلع لها 24 ضلع )) ؟؟


هذي مقوله قديمه وفي عصرنا الحاضر لاتكاد موجودة بالعكس البنت لها

كل الحشمة والتقدير دام أنها ما تقع في الغلط

2- هل صحيح إن الولد غير البنت في الخطأ ؟؟

هالمقوله صحيحه لأن الولد إذا أخطأ بيضر نفسه أما البنت فأنها ستعرض أسمها وأسم أبوها وأخوانها

للكلام الي ماله داعي

3- هل صحيح إن لايحق للأخ يتدخل في أخته إذا كان الأب موجود ؟؟

إذا الأب موجود ماله داعي يتدخل الولد لأن الأب هو المسؤول عن أولاده

إلا في حاله وحده إذا الأب كان كبير في العمر ويجهل الأمور الي تحصل في عصرنا الحالي

فعندها يتدخل الأخ ليوقف الأخت عند حدها ولكي لاتتمادى في الغلط

كلامك جواهر علاوي

هل صحيح قول (( اكسر للبنت ضلع يطلع لها 24 ضلع )) هذا الكلام الايتناسب مع عصرنا الحاضر لئن الاسلام اذهر الاقيمه الحقيقه للمراه واعتبر هذه المقوله من مقولات الجاهليه


2- هل صحيح إن الولد غير البنت في الخطأ - -الولد اذا يخطا بيضر نفسه اما البنت ستعرض نفسها والدها واخوانها للاكلام يتسمى بهي الشبه3- هل صحيح إن لايحق للأخ يتدخل في أخته إذا كان الأب موجود ؟؟ اذا كان الاب موجود لايحق الاخ ان يتدخل اما اذا كان الاب كبير في السن او متوفي يحق الاخ ان يتدخل با اخته تحياتي