عرض مشاركة واحدة
  #244  
قديم 07-27-2016, 03:13 AM
الصورة الرمزية bilal79
bilal79 غير موجود حالياً
 
تاريخ التسجيل: May 2008
المشاركات: 12
معدل تقييم المستوى: 0
bilal79 will become famous soon enough
إفتراضي

هذا هو موضوعنة الاصلي شباب
الموقع الرسمي تلكاه بأحلامك
كثرت طلبات الاخوة اريد برنامج اختراق مواقع لو اريد برنامج اختراق حسابات فيس بوك
و هو ما سامع عن الاختراق بس بنشرة اخبار الجزيرة الرياضية
و سبب كثير ناس مخترقة هذه المصيبة عبالة الشغلة بهاي السهولة برنامج تنزلة وانتهت
تعالوا تصفحوا قسم الطلبات والله شغلة تشيب الراس
كأنما الاختراق شغلة سهلة نقرتين و هاي هية
لو كانت بهذه السهولة كان الفيس بوك عزل من زمان يا ابن الحلال
اذا تريد تخترق كل الي ذكرتة سابقاً
لازم تتعلم و تاخذ الموضوع من الصفر
مو انتة بعدك ما تعرف تميز بين الاكس بي و اللينوكس و جاي اريد اخترق الله يخليك و يحفظك
فأخي الكريم قبل ما تطلب شي كون انتة عندك اساسياتة على الاقل
يعني انا اريد اتعلم اختراق اجهزة قبل ما اسأل الشباب علموني كون اعرف :
1- برامج الاختراق المشهورة
2- حماية حاسوبي اولاً
او انا اريد اتعلم اختراق مواقع لازم على الاقل اعرف :
1- خلفية بسيطة عن لغات البرمجة و التفريق بين امتداداتهم
2- عندي هدف مو اختراق عشوائي
او اختراق الشبكات هذه مشكلة بحد ذاتها :
1- شنو هو سكتر البث
2- شنو هو الـMikroTik
يعني الهة قسم طافح دروس بس كيف تخترق شبكة ابو فلان و انتة تسأل علموني ؟!!
يا اخي انتة شكلك ما شايف القسم اصلاً ..????!
سامحوني شباب بس والله ارتفع عندي الضغط من الاسئلة ال جاي يسألوها بقسم الطلبات
يعني كأنما همة مسجلين بس علمود قسم الطلبات مو اكثر ..~
و يريدون الطلب جاهز و اذا اروح اخترق بمكانة بعد اسوي فضل ..~
اخوان الله يخليكم انا حطيت عنوان مغري شوي حتى الكل يقرأه لأن عراق مون مدرسة صحيح بس مو محو الامية الله يخليكم و انا الي الفخر دخلت ما اعرف شي بأختراق الشبكات هسة الحمد لله اكبر برج ما يعصى بأيدي كلة بفضل الله و بفضل دروس الاخوة لذلك انا عصبي لأن انا حالي حال الاي جاي يسألون دخلت ما اعرف شي بس تعلمت من الدروس المطروحة والله ما سألت الى لما وصلت لمستوا متوسط يعني اعرف شنو اسال او عن شنو اسأل ..~
أعتذر على الاطالة شباب و اعتذر عن لهجتي شوي مو حلوة بس مثل ما يقوولون الصراخ على قدر الالم
اخوكم الصغير : امير ..~
رد مع اقتباس